काठमाडौं । ‘त्रिशूली ३ ए’को टनेल भित्रबाट मानिसको आवाज आएको नेपाली सेनाले बताएको

From Routine of Nepal Banda (RONB)

काठमाडौं । ‘त्रिशूली ३ ए’को टनेल भित्रबाट मानिसको आवाज आएको नेपाली सेनाले बताएको रास्वपा सांसद श्रीराम न्यौपानेले बताएका छन् । नेपाली सेना र सशस्त्र प्रहरीको उद्धार टोली सुरुङभित्र प्रवेश गरी उद्धार कार्यलाई तीव्रता दिइरहेको छ । सोही क्रममा सुरुङ भित्रबाट मानिस बोलेको आवाज सुनिएको उनले बताएका छन् । उद्धारका क्रममा टोलीले भित्र रहेका व्यक्तिहरूलाई ‘नआत्तिनुहोस्, हामी उद्धार गर्दैछौँ’ भनेर सम्बोधन गर्दा भित्रबाट ‘हुन्छ’ भन्ने प्रतिक्रिया प्राप्त भएको बताएका छन् । उद्धारकर्मीहरूले आवाज आएको स्थान पहिचान गर्दै प्रभावित व्यक्तिसम्म सुरक्षित रूपमा पुग्ने प्रयासलाई तीव्र बनाएका छन् । भित्र रहेका व्यक्तिहरू जीवित रहेको संकेत प्राप्त भएपछि उद्धार कार्यप्रति आशा थप बढेको छ । अधिकारीहरूका अनुसार उद्धार कार्य चुनौतीपूर्ण भए पनि प्रभावित व्यक्तिहरूलाई सकुशल बाहिर निकाल्न सबै प्रयास केन्द्रित गरिएको छ । The post त्रिशूली-३ ‘ए’ सुरुङभित्र फसेकाहरूसँग उद्धार टोलीको दोहोरो संवाद appeared first on RONB post.