काठमाडौं । रसुवामा आएको बाढीपछि त्रिशूली नदीले कटान गरेका कारण पृथ्वी राजमार्गका
नेपाली
काठमाडौं । रसुवामा आएको बाढीपछि त्रिशूली नदीले कटान गरेका कारण पृथ्वी राजमार्गका विभिन्न स्थानमा सडक भासिएर यातायात प्रभावित छ ।
From Routine of Nepal Banda (RONB)
काठमाडौं । रसुवामा आएको बाढीपछि त्रिशूली नदीले कटान गरेका कारण पृथ्वी राजमार्गका विभिन्न स्थानमा सडक भासिएर यातायात प्रभावित छ । संघीय राजधानी काठमाडौँलाई पश्चिम क्षेत्रसँग जोड्ने पृथ्वी राजमार्गमा आवातजावत नै प्रभावित हुने गरेर त्रिशुलीले कटान गरेको छ । नागढुङ्गा–मुग्लिङ सडक आयोजना पूर्वी खण्डका इन्जिनियर राजीव मानन्धरका अनुसार मलेखुभन्दा अगाडि कृष्णभीरमा करिब १ सय २० मिटर सडक बाढीले कटान गरेपछि पहिरो खसेर भासिएको छ । मलेखुबाट काठमाडौंतर्फ करिब एक किलोमिटरको दूरीमा पर्ने परेवाभीरमा करिब एक सय मिटर सडक कटान गरेको छ । परेवाभीरमा सडक विभागले भित्तातर्फबाट करिब एक सय मिटर वैकल्पिक सडक निर्माण गरी ग्राभेलिङ तथा मर्मतको काम अघि बढाएको छ । मर्मत सम्पन्न भएपछि ठूला मालवाहक सवारीसमेत सञ्चालन गर्ने लक्ष्य रहेको इन्जिनियर मानन्धरले बताए। यसैगरी छहरे–चालिसे क्षेत्रमा करिब ४० मिटर सडक कटान हुँदा एकतर्फी यातायात सञ्चालन भइरहेको छ । नागढुङ्गा चेकपोस्टबाट करिब ५ सयमिटर टाढा पनि करिब ८० मिटर सडक पहिरो गएपछि एक लेनबाट यातायात सञ्चालन भइरहेको छ। पृथ्वी राजमार्गको अवस्था जोखिमपूर्ण रहेकाले सडक विभागले यात्रु तथा मालवाहक सवारीका लागि वैकल्पिक मार्ग प्रयोग गर्न आग्रह गरेको छ ।
You have read a short extract. The full report is published by Routine of Nepal Banda (RONB).
यो संक्षिप्त अंश मात्र हो। पूरा समाचार मूल स्रोतमा पढ्नुहोस्।
- Source
- Routine of Nepal Banda (RONB)
- Source type
- Verified Source
- Platform
- Website
- Originally published
- 4 September 2026, 8:52 AM
- Collected
- 4 Sep 2026, 8:57 AM
- Locations mentioned
- रसुवा, त्रिशूली